प्रधानमन्त्रीज्यू ! समस्या कालो कोटमा होइन, कालो सोचमा छ : विश्वप्रकाश शर्मा

काठमाडौँ। प्रधानमन्त्री केपी शर्मा ओलीले न्यायाधीशमाथि गरेको टिप्पणीको नेपाली काँग्रेसका प्रवक्ता विश्वप्रकाश शर्माले जवाफ दिएका छन् । 

सोमबार युवा संघको कार्यक्रममा प्रधानमन्त्री ओलीले कालो कोटधारी केही व्यक्तिले अदालतलाई कुन हैसियतमा पुर्‍याउँदैछन् भन्ने टिप्पणी गरेपछि शर्माले समस्या कालो कोटमाभन्दा कालो सोचमा रहेको जवाफ दिएका हुन् ।

शर्माले सामाजिक सञ्जाल ट्वीटरमा लेखेका छन्, ‘कालो कोटमा होइन कालो सोचमा समस्या छ प्रधानमन्त्रीज्यू । व्यक्तिको अभिव्यक्ति स्वतन्त्रताविरुद्ध शासकको भावनात्मक उत्तेजना सदैव निन्दनीय हुन्छ।’

`कालो कोट´ मा होइन `कालो सोच´ मा समस्या छ @PM_Nepal ….!

ब्यक्तिको अभिव्यक्ति स्वतन्त्रता विरुद्ध शासकको `भावनात्मक उत्तेजना´ सदैब निन्दनीय हुन्छ !

— Bishwa Prakash शर्मा (@bishwaprakash77) May 31, 2021

प्रधानमन्त्री ओलीले संसद विघटनविरुद्ध सर्वोच्च अदालतमा दायर रिटमाथि भइरहेका बसहमा उठेका प्रश्नप्रति पनि आक्रोश पोख्दै न्यायाधीश बमकुमार श्रेष्ठमाथि अधिवक्ताहरुले प्रश्न उठाएको विषयमा असन्तुष्टि पोखेका थिए।