वैज्ञानिक समाजवाद या दलाल पूँजीवाद रोज्ने अधिकार जनतालाई दिनुपर्छ:विप्लव

काठमाडौं । नेकपाका महासचिव नेत्रविक्रम चन्द ‘विप्लव’ले प्रतिनिधिसभा विघटन गरेर मध्यावधि चुनावको घोषणा गर्नु देशलाई अन्तर्विरोध र संकटमा धकेल्ने चाल भएको बताएका छन् ।
आज (शनिबार ) विप्लवले विज्ञप्ति जारी गर्दै प्रतिनिधिसभा विघटन विषयमाआफ्नो  पार्टीको धारणा सार्वजनिक गरेका हुन् । विज्ञप्तिमा २०७३ सालदेखि पार्टीले अहिलेको संसदीय व्यवस्था नेपाली जनताको चाहना र आवश्यकतासँग मेल नखाने बताउँदै आएकामा अहिले सही सावित भएको बताएका छन् ।

विज्ञप्तिमा भनिएको छ, ‘२०७३ साल देखि दलाल पूँजीवादी सत्ता र संसदीय व्यवस्था नेपाली जनताको चाहना र आवश्यकतासँग मेल खादैन, यो सफल हुँदैन भन्ने हाम्रो पार्टीको निष्कर्ष सही सावित भएको छ ।’
विज्ञप्तिमा भनिएको छ, ‘शान्ति, स्थिरता एवं समृद्धिको नारामा जनताबाट लगभग दुई तिहाइको मतसहित बनेको नेकपा र केपी ओली शर्माको सरकार चल्न नसक्नु, असफल भएर मध्यावधि चुनावमा जानुपर्ने बाध्यता आएको छ । यो कुनै व्यक्ति, पार्टी र सरकारको मात्र समस्या नभएर संसदीय व्यवस्थाकै समस्या हो ।’

यस्तो छ नेत्रविक्रम चन्दको बिज्ञप्ति