एमाले स्थायी समिति बैठक बालुवाटारमा, योगेश भट्टराई र सुुरेन्द्र पाण्डेहरुले भाग लेलान् ?

काठमाडौं । प्रधानमन्त्री केपी शर्मा ओलीले नेकपा(एमाले)को स्थायी समिति बैठक बोलाएका छन् । अपराह्न ४ बजे प्रधानमन्त्रीको सरकारी निवास बालुवाटारमा स्थायी समिति बैठक बोलाइएको छ ।

बैठकमा शुक्रबार राति घोषणा गरिएको मध्यावधि निर्वाचन र भावी रणनीतिका बारेमा छलफल हुने बताइएको छ । राष्ट्रियसभा निर्वाचनमा पार्टीका उम्मेदवारलाई हराउनका लागि भूमिका खेल्नेहरुमाथि कारबाही गर्ने बिषय पनि आजको बैठकमा एजेन्डा रहेको बताइएको छ ।

आजको एमाले स्थायी समिति बैठकमा माधव नेपाल पक्षका योगेश भट्टराई, सुरेन्द्र पाण्डे, घनश्याम भूसालहरुले पनि भाग लिने बताइएको छ । शुक्रबार माधव नेपाल पक्षीय सांसदहरुले शेरबहादुर देउवालाई प्रधानमन्त्री बनाउने प्रस्तावमा योगेश भट्टराईले हस्ताक्षर गरेका थिएनन् । सुरेन्द्र पाण्डेहरुले हस्ताक्षर दुरुपयोग भएको बताएका थिए ।