कांग्रेस पदाधिकारीको आकस्मिक बैठक जारी

काठमाडौं । शुक्रबार मध्यराति सरकारको सिफारिसमा राष्ट्रपति विद्या भण्डारीले प्रतिनिधिसभा बिघटन गरी मध्यावधि निर्वाचन घोषणा गरेपछि नेपाली कांग्रेसले पदाधिकारीको आकस्मिक बैठक बोलाएर छलफल गरिरहेको छ । बैठकमा पूर्वपदाधिकारीहरु पनि सहभागी छन् ।

पदाधिकारी बैठकमा धारा ७६(५) अनुसार सरकार गठन गर्ने दाबी प्रस्तुत गरिसकेको अवस्थामा त्यो प्रक्रिया नै पूरा नगरी प्रतिनिधिसभा बिघटन गरिएकोबारेमा छलफल भइरहेको छ ।

पार्टी सभापति शेरबहादुर देउवाको निवास बुढानीलकन्ठमा बोलाइएको बैठकमा राष्ट्रपति र प्रधानमन्त्रीको कदमबारे छलफल हुने र आवश्यक रणनीति बनाउने कांग्रेस प्रवक्ता विश्वप्रकाश शर्माले जानकारी दिएका छन् ।