गगन थापाद्वारा नि:शुल्क अस्पताल यातायात सेवा सुरू, यी नम्बरहरूमा सम्पर्क गर्नु हाेस्

काठमाडाैं । नेपाली कांग्रेसका नेता गगन थापाले नि:शुल्क अस्पताल यातायात सेवा सुरू गरेका छन् ।

काठमाडौं क्षेत्र नम्बर ४ का बासिन्दालाई लक्षित गरेर संचालन गरीएकाे नि:शुल्क अस्पताल यातायात सेवाले घरमै आइसोलेसनमा रहेका कोरोना संक्रमितहरूलाई अस्पताल आउजाउ गर्नुपरेकाे अवस्थामा सहयाेग गर्ने उनले बताए।

कोरोना संक्रमितका लागि एम्बुलेन्स र यातायात सेवा पाउन गाह्रो भएकाे बताउँदै उनले केही सहयोगीहरूको सहयोगमा  सवारी साधनको व्यवस्थापन गरेर सेवा सुरू जानकारी दिए ।

काठमाडौं महानगरतर्फ 9851096303 र बुढानिलकण्ठ नगरपालिकातर्फ 9851065256 र 9851072129 मोबाइल नम्बरमा सम्पर्क गर्न थापाले अनुरोध गरेका छन्। 

साथै हटलाइन नम्बर 9860340587 मा एसएमएस पनि गर्न सकिनेछ।

घरमै आइसोलेसनमा रहनुभएकालाई अस्पताल जानआउन,परीक्षण गर्न वा आइसोलेसन सेन्टर जानको लागि नेपाली कांग्रेस काठमाडौँ क्षेत्र ४ को नेतृत्वमा नि:शुल्क यातायात सेवा सुरु गरेका छौँ।

सम्पर्क:कामनपा तर्फ:9851096303
बुनपा तर्फ:9851065256/9851072129
वा हटलाइन नं. 9860340587 मा SMS गर्नु होला। pic.twitter.com/G8xhpqVXH7

— Gagan Thapa (@thapagk) May 19, 2021