भुषालको टिप्पणी : आत्मसर्पण क्रान्तिप्रति गद्दारी हो

काठमाडौं । नेकपा (एमाले) का नेता घनश्याम भुषालले विद्रोहले क्रान्तिमा योगदान गर्छ कि गर्दैन भन्ने विषयमा इतिहासमा ठूलो विवाद रहेको बताउँदै आत्मसर्मण क्रान्तिप्रति गद्दारी हो भन्ने कुरा आफूहरुलाई राम्ररी थाहा भएको बताएका छन् ।

सामाजिक सञ्जालमा भुसालले लेखेका छन्, ‘हिजो प्रचण्डलाई गाली गरेर पार्टी विभाजनको पाप ढाक्ने प्रयास भयो । आज झलनाथ–माधवलाई गाली गरेर बाँकी रहेको एमालेलाई विभाजन गर्न खोजिदैछ ।

चुनावको नाममा फेरि प्रतिनिधिसभा विघटनको प्रयास भएको तर्फ पनि भुसालले संकेत गरेका छन् । ‘आज हामीविरुद्ध गरिएका गालीगलौज वा आलोचनाले नेपालमा संविधान जारी हुँदा असफल भएका र विघटित प्रतिनिधिसभा पुनस्र्थापित हुँदा दोस्रो पटक पनि असफल भएका शक्तिहरुले चुनावको नाममा फेरि प्रतिनिधिसभा विघटन गराएर हामीसँग बदला लिन कस्सिएका छन् भन्ने दावी खण्डन हुँदैन’, भुसालले लेखेका छन् ।

उनले विद्रोहले क्रान्तिलाई योगदान गर्छ भन्ने प्रष्ट नभए पनि आत्मसमर्पण नगर्ने उनले चेतावनी पनि दिएका छन् । आत्मसमर्पणलाई भुसालले क्रान्तिप्रतिको गद्दारी भनेका छन् । ‘विद्रोहले क्रान्तिमा योगदान गर्छ कि गर्दैन भन्ने विषयमा इतिहासमा ठूलो विवाद छ । तर आत्मसमर्पण क्रान्तिप्रति गद्दारी हो भन्ने कुरा हामीलाई राम्ररी थाहा छ’, भुसालले लेखेका छन् ।