जसपाले साथदिए ओलीविरूद्ध भोलि नै अविश्वास प्रस्ताव दर्ता गर्ने

काठमाडौं ।  जसपाले साथदिए नेपाली कांग्रेस र माओवादी केन्द्रले प्रधानमन्त्री केपी शर्मा ओलीविरूद्ध भाेलीनै अविश्वासको प्रस्ताव दर्ता गर्ने तयारी गरेकाे छ।

प्रधानमन्त्री ओलीविरूद्ध अविश्वास प्रस्ताव लैजाने र कांग्रेस-माओवादी केन्द्रसँग मिलेर नयाँ सरकार बनाउनेबारे जसपाका शीर्ष नेताहरूको बैठकले अहिले छलफल गरिरहेको छ।

बैठकमा  जसपाका नेताहरू महन्थ ठाकुर, बाबुराम भट्टराई, उपेन्द्र यादव, राजेन्द्र महतो, अशोक राई र राजेन्द्र श्रेष्ठ सहभागी छन्।

जसपाका एक नेताले भने आजको बैठकले कांग्रेस-माओवादीसँग मिलेर आज नभए भोलिसम्ममा बहुमतका आधारमा भए पनि निर्णय हुन्छ ।

जसपाले निर्णय गरे बुधबार नै प्रधानमन्त्री ओलीविरूद्ध अविश्वासको प्रस्ताव संसदमा दर्ता गर्ने तयारी रहेको स्राेतकाे भनाइ छ ।

पछिल्लो साता कांग्रेस र माओवादी केन्द्रले थप छलफल गरेर दुबै पार्टीले अविश्वासको प्रस्ताव अघि बढाउन आफ्ना सांसदहरूको हस्ताक्षरसमेत संकलन गरिसकेका छन्।