काठमाडौं। नेपाली कांग्रेसले प्रधानमन्त्री बालेन शाहको भ्रमणमा उठाउनुपर्ने विषयमा सरकारले परामर्श नगरेकोप्रति आपत्ति जनाएको छ। कांग्रेसका वरिष्ठ उपसभापति विश्वप्रकाश शर्माले आज एक विज्ञप्ति जारी गर्दै भ्रमण अघि राष्ट्रिय हितका विषयमा साझा धारणा निर्माण गर्न प्रमुख प्रतिपक्ष लगायत राजनीतिक दलहरूसँग परामर्श गर्ने हाम्रो स्थापित लोकतान्त्रिक परम्परा रहेको स्मरण गराएको हो।
‘मित्रराष्ट्रहरूको महत्त्वपूर्ण भ्रमण अघि राष्ट्रिय हितका विषयमा साझा धारणा निर्माण गर्न प्रमुख प्रतिपक्ष लगायत राजनीतिक दलहरूसँग परामर्श गर्ने हाम्रो स्थापित लोकतान्त्रिक परम्परा हो। यस्तो सकारात्मक परम्पराको निरन्तरता वर्तमान सरकारबाट पनि अपेक्षित थियो। यही अपेक्षाका साथ नेपाली कांग्रेसले भारतसँगको द्विपक्षीय सम्बन्ध र सहकार्यका सम्भावित विषयहरूमा सरकारलाई रचनात्मक सुझाव दिने तयारी गरेको थियो।’ विज्ञप्तिमा भनिएको छ। ‘जलवायु परिवर्तन, हवाई सम्पर्क, पर्यटन, व्यापार, ऊर्जा, खेलकुद, उद्यमशीलता, सीमा व्यवस्थापन, सीमावर्ती क्षेत्रका नागरिकका सरोकार तथा भारतमा कार्यरत नेपाली श्रमिकका समस्या लगायत विषयमा हामीले गत बुधबार बिषय बिज्ञहरुको सहभागितामा ञबिशेष आन्तरिक विमर्शझ गरेका थियौँ।’
शर्माले नेपाल–भारत सम्बन्धलाई पारस्परिक सम्मान, सार्वभौमिक समानता र राष्ट्रिय हितका आधारमा सुदृढ बनाउन कांग्रेसले ऐतिहासिक भूमिका निर्वाह गर्दै आएको उल्लेख गरेका छन्। नेपाली कांग्रेसले सरकारले नमागेको औपचारिक सुझाव आफैँ अघि सारिरहन उचित नठानेको कांग्रेसको ठहर छ। विज्ञप्तिमा भनिएको छ,‘हाम्रो सम्बन्धका सम्भावना, अवसर र व्यवहारिक जटिलता बारे नेपाली कांग्रेससँग लामो संस्थागत अनुभव र स्पष्ट बुझाइ छ। यही आधारमा प्रधानमन्त्रीको भ्रमणलाई सकारात्मक बल पुर्याउने हाम्रो योजना र तत्परता थियो। तर, सरकारले प्रमुख प्रतिपक्ष, अन्य दल एवं विषय विज्ञहरूसँग परामर्श गर्न आवश्यक ठानेन। राष्ट्रिय महत्त्वको भ्रमण अघि राष्ट्रको साझा धारणा निर्माण गर्ने स्थापित लोकतान्त्रिक अभ्यासलाई निरन्तरता दिन समेत आवश्यक ठानेन। त्यसैले नेपाली कांग्रेसले पनि सरकारले नमागेको औपचारिक सुझाव आफैँ अघि सारिरहन उचित ठानेन।’
प्रधानमन्त्री कुनै एक दल वा सरकारको मात्र नभई सम्पूर्ण राष्ट्रको प्रतिनिधित्व गर्दै भारत भ्रमणमा जाँदै गरेको विज्ञप्तिमा उल्लेख छ। ‘प्रधानमन्त्री कुनै एक दल वा सरकारको मात्र होइन, सम्पूर्ण राष्ट्रको प्रतिनिधित्व गर्दै भारत भ्रमणमा जाँदै हुनुहुन्छ। राष्ट्रिय हितका विषयमा जति व्यापक परामर्श र साझा समझदारी निर्माण हुन्छ, अन्तर्राष्ट्रिय मञ्चमा नेपालको अडान त्यति नै बलियो हुन्छ, तर दुर्भाग्यवश यो गहिरो वास्तविकता सरकारले आत्मसात गर्न सकेन।’ विज्ञप्तिमा भनिएको छ,‘यद्यपि, सरकारको यस कमजोरीलाई हामी प्रधानमन्त्रीको भ्रमणको संभावित बिषयवस्तुसँग जोडेर हेर्न चाहँदैनौँ। सरकारसँग हाम्रो विविध असहमति हुन सक्छ, तर नेपालको राष्ट्रिय हित र मित्र राष्ट्र भारतसँगको सम्बन्ध सुदृढ बनाउने विषयमा हाम्रो प्रतिबद्धता प्रधानमन्त्रीको साथमा स्पष्ट र अटल छ। यो भ्रमणको सफलतासँग हाम्रो देशको सफलता गाँसिएको छ, अतः नेपाली कांग्रेस यो भ्रमणप्रति हार्दिक शुभेच्छा प्रकट गर्दछ।’
कांग्रेसले प्रधानमन्त्रीको भ्रमण क्षणिक लोकप्रियता आर्जन गर्ने वा तात्कालिक प्रचारमा सीमित नबनोस् भन्ने कामना गरेको छ। विगतका प्रतिबद्धताहरुको कार्यान्वयन, विद्यमान समस्याहरुको ठोस निदान र पारस्परिक हितमा आधारित दीर्घकालीन सहकार्यको नयाँ आधार निर्माण गर्न यो अवसरको उपयोग हुन सकोस् र भ्रमण सार्थक बनोस्।’ विज्ञप्तिमा भनिएको छ।
भारतीय प्रधानमन्त्री नरेन्द्र मोदीको निमन्त्रणामा प्रधानमन्त्री बालेन आइतबार दिउँसो काठमाडौँस्थित त्रिभुवन अन्तर्राष्ट्रिय विमानस्थलबाट दिल्ली प्रस्थान गर्न लागेका छन्।
काठमाडौं । नेपाल कम्युनिष्ट पार्टीका संयोजक पुष्पकमल दाहाल प्रचण्डले सरकारले भ्रष्टाचारीको पक्षपोषण गरेको आरोप लगाएका छन् । शनिबार एक कार्यक्रमलाई सम्बोधन गर्दै प्रचण्डले अहिले राज्यले...
काठमाडौं । एमसीए–नेपालले न्यू बुटवल सबस्टेसनदेखि न्यू दमौली सबस्टेसनसम्मको ४०० केभी क्षमताको दोहोरो सर्किटयुक्त प्रसारणलाइन निर्माण सुरु गरेको छ । एमसीए–नेपालले तनहुँ र पाल्पा...
काठमाडौँ । नेपाली कम्युनिष्ट पार्टीका संयोजक एवं पूर्वप्रधानमन्त्री पुष्पकमल दाहाल ‘प्रचण्ड’ले गत प्रतिनिधि सभा निर्वाचनमा जस्तै हावाहुरी ल्याएर स्थानीय र प्रदेशसभा निर्वाचन जित्ने सोच...
काठमाडौं । प्रधानमन्त्री वालेन्द्र शाहले भारत भ्रमणका क्रममा सोमबार भारतीय प्रधानमन्त्री नरेन्द्र मोदीसँग द्विपक्षीय भेटवार्ता गर्ने भएका छन् । भारतको विदेश मन्त्रालयले सार्वजनिक गरेको भ्रमण...
काठमाडौं । पृथ्वी राजमार्गका विभिन्न क्षेत्रमा सडक मर्मत तथा निर्माणका लागि भोलि शनिबारदेखि (बिहान ११ बजेबाट-अपराह्न ४ बजेसम्म) सम्म सवारी आउजाउ बन्द गरिने भएको...
आकर्षक मिडिया प्रा. लि.
अनामनगर मच्छिगल्ली, काठमाडौं
सुचना तथा प्रसारण विभाग
१७८०/०७६-७७
ईमेल: nepalface21@gmail.com
सम्पर्क नम्बर : ०१-४१०२६८२
अध्यक्ष
माधव प्रसाद पौडेल
सम्पादक
राजुप्रसाद तिमल्सिना
© 2026 All right reserved to nepalface.com | Site By : SobizTrend