एमालेको केन्द्रीय कमिटी बैठक आजबाट सुरु

काठमाडौं । नेकपा (एमाले) केन्द्रीय कमिटी बैठक आजदेखि सुरु हुँदैछ । ललितपुरको रामबाग महल, भनिमण्डलमा बैठक सुरु हुन लागेको हो ।

बैठकमा राष्ट्रिय प्रतिनिधि परिषद्को बैठक आयोजना गर्नेलगायत सचिवालयबाट प्रस्तावित विषयमा छलफल हुने बताइएको छ ।

यसअघि, आइतबार पार्टीको १० औँ सचिवालय बैठकले कार्यदलले तयार पारेको प्रतिवेदनलाई पनि अनुमोदन गरेको छ। आजको बैठकाका लागि एजेण्डा तय गर्न हिजो बसेको सचिवालय बैठकले राष्ट्रिय प्रतिनिधि परिषद् बैठक बोलाउने सहमति गरेको छ ।

हिजोको एमालेको १० औँ सचिवालय बैठकले कार्यदलले तयार पारेको प्रतिवेदनलाई पनि अनुमोदन गरेको छ । प्रतिवेदनमा रहेको ‘तत्काल पुनर्गठन’ भन्ने शब्द भने हटाइएको बताइएको छ ।