सर्वदलीय बैठकमा प्रधानमन्त्री र गृहमन्त्री अनुपस्थित, को-को भए सहभागी ?

काठमाडौं। सत्तारुढ दल राष्ट्रिय स्वतन्त्र पार्टीका सभापति रवि लामिछानेले आह्वान गरेको सर्वदलीय बैठक बसेको छ।

सिंहदरबारमा जारी बैठकमा रास्वपा सभापति लामिछाने, कांग्रेस सभापति गगन थापा, एमाले महासचिव शंकर पोखरेल, नेकपाका संयोजक पुष्पकमल दाहाल प्रचण्ड, रास्वपा उपसभापति एवम् अर्थमन्त्री स्वर्णिम वाग्ले,राप्रपा अध्यक्ष राजेन्द्र लिङदेन, श्रम संस्कृति पार्टीका प्रमुख सचेतक आरेन राई, जनमतका अध्यक्ष सिके राउत, लगायतका मधेस केन्द्रित दलका नेता र सांसदहरूलाई सहभागी छन्।

रास्वपाको आह्वानमा बसेको सर्वदलीय बैठकमा प्रधानमन्त्री वालेन्द्र शाह र गृहमन्त्री सुधन गुरुङ भने सहभागी भएका छैनन् ।

सुनसरी घटनापछि विकसित घटनाका क्रमका बारेमा छलफल गर्न सभापति लामिछानेले सर्वदलीय बैठक बोलाएका हुन्। सुनसरीको घटनापछि सामाजिक सद्भाव र शान्ति–सुरक्षा कायम गर्न राजनीतिक तहबाट पनि साझा सन्देश दिन सर्वदलीय छलफल आयोजना गरिएको हो ।