त्रिभुवन विमानस्थलबाट ३१ लाख नगदसहित २ जना बंगलादेशी नागरिक पक्राउ

काठमाडौँ। त्रिभुवन अन्तर्राष्ट्रिय विमानस्थलबाट एकतिस लाख लाख नगदसहित दुई जना बंगलदेशी नागरिकलाई प्रहरीले पक्राउ गरेको छ।

आज दिउसो एक बजे काठमाडौँबाट मलेसिया जान लागेका बंगलदेशी नागरिक मोहम्मद इन्ताज अलि र एमडी जाखिर हुसैनलाई ३१ लाख एकाउन्न हजार नगदसहित नियन्त्रणमा लिएको हो।

उनीहरुलाई अन्तर्राष्ट्रिय उडानतर्फको हेन्ड ब्यागेज चेकिङ एरियाबाट नियन्त्रणमा लिएको विमानस्थल सुरक्षा कार्यालयका प्रहरी उपरिक्षक राज कुमार सिलवालले जानकारी दिए ।

उनीहरुलाई चेकजाच गर्ने क्रममा नेपाली तथा बिदेशी नगद लुकाएर लैजान लागेको अवस्थामा नियन्त्रणमा लिएको उनले बताए ।

उनीहरुलाई अहिले थप अनुसन्धानका लागि राजस्व अनुसन्धान बिभाग पठाइएको जनाएको छ।