जेनजी आन्दोलनसम्बन्धी मानव अधिकार आयोगको प्रतिवेदन सार्वजनिक, ओली, लेखक र गुरूङमाथि कारबाही गर्न सिफारिस

काठमाडौँ । राष्ट्रिय मानव अधिकार आयोगले जेन जेड आन्दोलनका क्रममा भएका घटनासम्बन्धी अध्ययन प्रतिवेदन सार्वजनिक गरेको छ।

भदौ २३ र २४ गते सञ्चालन भएको आन्दोलनका क्रममा भएका मानवअधिकार उल्लंघनसम्बन्धी विषयको अध्ययनपछि आयोगले प्रतिवेदन तयार गरी सार्वजनिक गरेको हो।

आयोगले आन्दोलनका क्रममा भएका गतिविधि, सुरक्षा व्यवस्थापन तथा मानवअधिकार अवस्थासम्बन्धी विषय समेटेर प्रतिवेदन तयार पारेको जनाएको छ।

आयोगले तत्कालीन प्रधानमन्त्री केपी शर्मा ओली र अन्य दुई जना मन्त्रीले मानव अधिकारको उल्लंघन गरेको ठहर गरेको छ। आयोगले ओलीसँगै तत्कालीन गृहमन्त्री रमेश लेखक र तत्कालीन संचारमन्त्री पृथ्वीसुब्बा गुरूङले मानव अधिकारको उल्लंघन गरेको ठहर गरेको हो।

आयोगले तीन जनाविरूद्ध मुद्दा समेत चलाउन सकिने गरी सिफारिस गरेको छ। मानव अधिकार उल्लंघनकर्ताहरू तत्कालीन प्रधानमन्त्री केपी ओली, तत्कालीन गृहमन्त्री रमेश लेखक र तत्कालीन सूचना तथा सञ्चार मन्त्री पृथ्वीसुब्बा गुरूङ समेतले मानव अधिकार उल्लंघन गरेको पुष्टि भएको हुँदा उनीहरूलाई नेपालको संविधानको धारा २४९ को उपधारा २ (ग)बमोजिम गर्न,’ आयोगको सिफारिसमा भनिएको छ।