महेश बस्नेतकी पत्नी अम्बिकासहित १० जनालाई धरौटीमा रिहा गर्न आदेश

काठमाडौँ । जिल्ला अदालत काठमाडौँले नेकपा एमालेका सचिव महेश बस्नेतकी पत्नी अम्बिका बस्नेत सहित १० जनालाई धरौटीमा रिहा गर्न आदेश दिएको छ ।

उनीहरूविरुद्ध शोभा भनिने जानुका पाठकले ज्यान मार्ने उद्योगसम्बन्धी आरोपसहित उजुरी दायर गरेकी थिइन् ।

जिल्ला अदालतका न्यायाधीश महेन्द्रबहादुर कार्कीको एकल इजलासले बिहीबार सुनुवाइ गर्दै अम्बिका बस्नेत र शर्मिला बस्नेत लाई जनही ५० हजार रुपैयाँ तथा बाँकी आठ जनालाई जनही २५ हजार रुपैयाँ धरौटी तोकेर रिहा गर्ने आदेश दिएको हो ।

आदेशपछि सबै प्रतिवादीहरू प्रहरी हिरासतबाटै अदालतमा उपस्थित गराइएको जनाइएको छ ।

धरौटीमा रिहा भएका अन्य आठ जना मध्ये गीता पण्डित, प्रगति थापा, सोनु बराल, जानुका बस्नेत, रेखा न्यौपाने, सबिना केसी, कमला बस्नेत र निता खत्री रहेका छन् ।