टेरामक्स काण्ड लागेका मोहन बस्नेतका बिश्वासपात्र नरेशलाल उद्योग बाणिज्य महासङ्घका उपाध्यक्षका उम्मेदवार

काठमाडौ । नेपाल उद्योग बाणिज्य महासङ्घको ६० औ साधारणसभा सोमबारदेखि सुरु भएको छ । यो साधारणसभाले महासङ्घको नेतृत्त्व चयन समेत गर्दैछ । यसैक्रममा महासङ्घमा बस्तुगत संघको तर्फबाट उपाध्यक्षयमा नरेशलाल श्रेष्ठले उम्मेदवारी दिएका छन । श्रेष्ठ टेरामक्स खरिद प्रकरणमा भ्रस्टाचार मुद्दा  खेपिरहेका नेपाली काङ्ग्रेसका नेता तथा पुर्ब मन्त्री मोहन बहादुर बस्नेतनिकट ब्यबसायी हुन् । उनी बाह्रबीसे नगरपालिकाका मेयर बालकृष्ण बस्नेतका पनि निकट हुन ।

बालकृष्ण अख्तियार दुरुपयोग अनुसन्धान आयोगको छानबिनमा छन भने मोहन बस्नेत भ्रष्टाचार मुद्वा खेपिरहेका छन् । मोहन र बालकृष्णको आडमा एक कालखण्डमा सिन्धुपाल्चोकको तातोपानी नाकामा हैकम चलाउने गरेको आरोप छ ।

मोहन बस्नेतकै आडमा श्रेस्ठ निर्यात समिति सहित दुई समितिमा तीन कार्यकाल पूरा गरिसकेका र निर्यात र आयात समितिका अध्यक्ष समेत हुन सफल भएका छन ।

उद्योग बाणिज्य महासघमा जो अध्यक्ष हुँदा पनि राजनीतिक दबाब, प्रभाव र सेटिङ मिलाउने कलामा निपुण श्रेष्ठले निर्यात समितिमा तीन कार्यकाल सदस्य भएको फाइदा उठाएर ह्यण्डीक्राफ्टको सामान युरोपमा तस्करी गर्ने गरेको आरोप छ ।

नेपाल क्यान्सर हस्पिटल, अल इन एक्सप्रेस, सिन्धु विकास बैंक, मध्ये भाेटेकाेशी हाइड्रोपावरसहित पानीपोखरी, टङ्गालसहितका स्थानमा दुई तीन वटा हाेटल समेत गरी अरबौ सम्पत्तिका मालिक भएका छन् । उनका भीमसेनगोलादेखि काठमाडौका विभिन्न ठाउँमा घर समेत छन् । सरकारले राजनीतिक नेताहरुको सम्पत्ती छानबिन गर्ने क्रमलाई निरन्तरता दिइरहेको छ । पुर्व मन्त्री मोहन बस्नेत सम्पत्ती छानबिनको हिटलिस्टमा छन् । उनीसग जोडिएका नरेशलाल श्रेष्ठ पनि छानबिनको दायरामा आउन सक्छन् । तर तिनै छानबिन गर्नुपर्ने श्रेष्ठलाई चन्द्र ढकाल समुहले महासघको उपाध्यक्षमा बनाएको छ ।