काठमाडौँ महानगरपालिकाले माग्यो करार सेवामा ४४ जना कर्मचारी

काठमाडौँ महानगरपालिकाले करार सेवामा ४४ जना कर्मचारी माग गरेको छ।

महानगरको प्रशासन विभागले आज सूचना जारी गर्दै बागमती प्रदेश सरकारबाट जारी स्थानीय सेवा (गठन तथा सञ्चालन) ऐन २०७९ र काठमाडौँ महानगरपालिका सेवा करारमा कर्मचारी पदपूर्ति गर्ने सम्बन्धी कार्यविधि, २०७९ बमोजिम आवेदन पेस गर्न आह्वान गरेको छ।

२३ जना नगर प्रहरी जवान (अग्नी नियन्त्रक), १९ जना हलुका सवारी चालक र दुईजना कार्यालय सहयोगीका लागि आवेदन आह्वान गरिएको हो।

योग्यता पुगेका नेपाली नागरिकले अबको १५ दिनभित्र आवेदन दिन सक्ने सूचनामा उल्लेख छ ।

यो सूचनाको विस्तृत विवरण काठमाडौ महानगरपालिकाको वेबसाइटमा हेर्न सकिनेछ।