प्रतिनिधिसभा विघटनबिरूद्धका रिटमा सर्वोच्चले आजदेखि सुनुवाइ गर्ने

काठमाडौं । प्रतिनिधिसभा विघटनविरुद्ध सर्वोच्च अदालतमा दायर परेका १६ वटा रिट निवेदनमा आजदेखि सुनुवाइ सुरु हुँदैछ ।

सर्वोच्च अदालतका प्रवक्ता अर्जुनप्रसाद कोइरालाका अनुसार प्रधानमन्त्रीको नियुक्ति तथा संसद् विघटन बदर एवं संसद् पुनःस्थापना समेतमा उत्प्रेषण, परमादेश आदेशको माग गर्दै रिट दायर भएका छन् ।

उक्त रिटमा प्रारम्भिक सुनुवाइ सुरु हुन लागेको हो । भदौ २३ र २४ गतेको जेनजी पुस्ताको आन्दोलनपछि भदौ २७ गते सुशीला कार्कीको नेतृत्वमा अन्तरिम सरकार गठन भएको थियो ।

प्रधानमन्त्री कार्कीको सिफारिसमा सोही दिन राष्ट्रपति रामचन्द्र पौडेलले प्रतिनिधिसभा विघटन गरेका थिए ।

प्रतिनिधिसभा बिघटन गर्नुपर्छ भनेर काठमाडौं महानगरपालिकाका मेयर बालेन साहले सामाजिक संजालमा लेखेर दबाब सृजना गरेका थिए । भदौ २४ गते सिंहदरबारदेखि सर्वोच्च अदालत आगजनी गर्नेहरुलार्ई पिउने पानी(मिनरल वाटर) बोतल गाडीमै लगेर बितरण गरेका बालेनले आगो निभाउ दमकल भने पठाएनन् ।

३ दिनसम्म आगो दनदनी बल्दा पनि बालेनले दमकल नपठाई सरकारी सम्पत्ति जल्न दिने काम गरेका थिए । यदि पहिलो दिन दमकल जान नसके पनि दोस्रो दिन पठाएको भए पनि धेरै सामान र कागजात जल्नबाट जोगाउन सकिन्थ्यो ।