‘मेरो काँधमा जिम्मेवारी छ, पूरा नगरी राजीनामा दिन्नँ’: ओली

काठमाडौँ। नेकपा एमालेका अध्यक्ष केपी शर्मा ओलीले आफ्नो काँधमा जिम्मेवारी भएको भन्दै त्यो पूरा नगरी राजीनामा नदिने प्रष्ट पारेका छन् ।

बुधबारदेखि जारी केन्द्रीय समिति बैठकको समापनमा सम्बोधन गर्ने क्रममा उनले यस्तो बताएका हुन् । आफ्नो राजीनामाबारे महाधिवेशनमा छलफल गर्ने पनि उनले बताएका छन् ।

‘केही साथीले राजीनामा माग्नुभएछ । मसँग माग्नु भाको होइन, माइकमा सोधेको थिए,’ ओलीले भने, ‘५५ वर्षदेखि एउटा सानो टुक्रो आन्दोलन बोकेर ल्याएको हुँ । मेरो काँधमा जिम्मेवारी छ । त्यो पूरा नगरी छाड्दिनँ ।’

उनले राजीनामाबारे महाधिवेशन प्रतिनिधिले फैसला गर्ने पनि बताए ।

‘मेरो राजीनामा महाधिवेशनमा छलफल गरौँला । प्रतिनिधिहरूसँग फैसला मागौँला । पार्टीलाई तिक्तताका साथ अघि नबढाऔँ । मित्रताका साथ जाऔँ ।’