सिमरा विमानस्थलमा पूर्वराष्ट्रपति भण्डारीको भब्य स्वागत, एमालेका नेता–कार्यकर्ताको ताँती

काठमाडौं । नेकपा(एमाले)ले पार्टी सदस्यता नवीकरण नगर्ने निर्णय गरे पनि पूर्वराष्ट्रपति विद्यादेवी भण्डारीले नेता–कार्यकर्ता भेटघाटलाई तीव्रता दिएकी छन् ।

शनिबार बिहान मधेश प्रदेशको आर्थिक केन्द्र बीरगंजको कार्यक्रममा भाग लिन जाने क्रममा भण्डारीलाई सिमरा विमानस्थलमा एमालेका नेता–कार्यकर्ताले भब्य स्वागत गरेका छन् ।

सिमरा विमानस्थलमा पूर्वराष्ट्पति भण्डारीलाई स्वागत गर्न एमालेका नेता–कार्यकर्ताको ताँती लागेको छ । भण्डारीलाई ५० किलोको फुलको मालासहित स्वागत गरिएको छ ।

एमालेका केन्द्रीय सदस्य पुरुषोत्तम पौडेल, अर्का नेता अरबिन्द सिंह लगायत नेता–कार्यकर्ता भण्डारीको स्वागतमा  सिमरा विमानस्थल पुगेका थिए ।

भण्डारीले बीरगञ्जमा उद्योग बाणिज्य संघको कार्यक्रम उदघाटन गर्नेछिन् ।