उपमेयर सुनिता डंगोललाई नागरिक अभिनन्दन

काठमाडौं । काठमाडौं महानगरपालिकाकी उपमेयर सुनिता डंगोललाई नागरिक अभिनन्दन गरिएको छ ।

सुन्दर भविष्य भएका असाधारण ब्यक्तिहरुको संजाल(वल्र्ड इकोनोमिक फोरम)को योङ ग्लोबल लिडर २०२५ मा छनोट भई काठमाडौंबासीहरुको गौरब बढाउन सफल भएकोमा बिहीबार(असार ५ गते) उनलाई काठमाडौं महानगरपालिका वडा नम्बर २९ बासीहरुले नागरिक अभिनन्दर र सम्मान गरेका छन् ।

आम युवापिंढीको उज्वल नक्षत्र, सांस्कृति सम्पदा प्रबद्र्धन, युवा सशक्तीकरण र सहरी नवप्रवर्तनमा समर्पित एक उर्जावान नेतृका रुपमा उपमेयर डंगोललाई सम्मान गरिएको सम्मानपत्रमा उल्लेख छ ।

काठमाडौं महानगरपालिका वडा नं.२९ वडाअध्यक्ष कुश ढकालले वडाबासीको तर्फबाट उपमेयर डंगोललाई नागरिक अभिनन्दन र सम्मानपत्र प्रदान गरेका थिए । वडा नम्बर २९ को अनामनगरस्थित नवर्निमित भवनमा उक्त कार्यक्रम सम्पन्न भएको थियो ।

सो अवसरमा उपमेयर शाक्यले काठमाडौं महानगरपालिका २९ वडा महिला संजालद्वारा आयोजित न्याय सम्वाद मेलमिलाप केन्द्र, वडा स्वास्थ्य प्रबद्र्धन केन्द्र र एकल सेवा केन्द्रको समुदघाटन गरेकी थिइन् ।