संसद विघटनको बिरोधमा देशभर प्रधानमन्त्री ओलीको पुतला जलाइयो

काठमाडौं । युवा–विद्यार्थीहरुले प्रतिनिधिसभा विघटन गरेको बिरोधमा प्रधानमन्त्री केपी ओलीको पुतला जलाएका छन् । नेपाल कम्युनिष्ट पार्टी (नेकपा) प्रचण्ड–नेपाल पक्षीय युवा विद्यार्थीहरुले बिहीबार प्रधानमन्त्री ओलीको पुत्ला जलाएका हुन् ।

असंवैधानिक रुपमा प्रतिनिधिसभा बिघटन गर्ने प्रधानमन्त्री केपी ओलीको कदमबिरुद्ध देशभर पुतला दहन कार्यक्रम राखेको थियो ।
राजधानीको नयाँबानेश्वर र प्रदर्शनी मार्गमा प्रतिनिधिसभा विघटनविरुद्ध नारावाजीसहित पुत्ला जलाइएको थियो ।

प्रतिनिधिसभा बिघटनको बिरुद्ध पुतला दहन कार्यक्रममा विद्यार्थी नेताहरु सुदेश पराजुली, आरती लामालगायतले नेतृत्व गरेका थिए । 
पुस ५ गते प्रधानमन्त्री ओलीको सिफारिसमा राष्ट्रपति विद्यादेवी भण्डारीले संसद विघटन गरेपछि हाल देशभर प्रदर्शन भइरहेको छ।