वामदेव गौतमद्वारा एकीकृत समाजवादीसँग एकता गर्न वार्ता समिति गठन

काठमाडौं – नेकपा एकता राष्ट्रिय अभियानका संयोजक वामदेव गौतमले नेकपा एकीकृत समाजवादीसँग एकता गर्न वार्ता समिति गठन गरेको छ । एकता राष्ट्रिय अभियान र एकीकृत समाजवादी एकता गर्ने सहमति भएसंगै गौतमले महासचिव डीबी कार्कीको नेतृत्वमा तीन सदस्य वार्ता समिति बनाएको हो ।

५ पुसमा एकीकृत समाजवादीका अध्यक्ष नेपाल र अभियानका संयोजक गौतमबीच भैँसेपाटीस्थित गौतम निवासमा भएको छलफलमा अभियानलाई एकीकृत समाजवादीमा मिसाउने सहमति बनेको थियो ।

वार्ता समितिमा महासचिव कार्की सचिव भगवती विष्ट र स्थायी कमिटी सदस्य लोकनाथ धमला रहेको वार्ता समिति अध्यक्षले कार्कीले जानकारी दिए । यो वार्ता समितिले पार्टी एकताको सैद्धान्तिक–राजनीतिक र संगठनात्मक एकीकरणको विषय टुंग्याउने उनले बताए ।

एकीकृत समाजवादीका तर्फबाट भने वार्ता समिति बनेको छैन ।