मन्त्री हेरफेरबारे छलफल भएको छैन : गृहमन्त्री

काठमाडौं – गृहमन्त्री रमेश लेखकले मन्त्री हेरफेरबारे कुनैपनि छलफल नभएको बताएका छन् । सुरक्षा गोष्ठीमा सहभागी हुन धनगढी पुगेका मन्त्री लेखकले प्रेस युनियनले आयोजना गरेको पत्रकार सम्मेलनमा बोल्दै आजका मितिसम्म मन्त्री हेरफेर हुने कुरामा कुनै छलफल नभएको बताएका हुन् ।

उनले प्रधानमन्त्रीय पद्धतिमा प्रधानमन्त्रीले आवश्यकताअनुसार मन्त्री हेरफेर गर्न सक्ने व्यवस्था रहेको तर हालसम्म बाहिरी हल्ला जस्तो यस विषयमा कुनै छलफल नभएको बताएका हुन् ।

२०८४ सम्म यो गठबन्धन कायम रहने दाबी गर्दै उनले अबको १ वर्ष ८ महिनापछि वर्तमान प्रधानमन्त्री परिवर्तन भई नेपाली कांग्रेसका सभापति शेरबहादुर देउवा प्रधननमन्त्री बन्ने बताए ।