४० सहसचिव सरुवा

काठमाडौं । सरकारले ४० सहसचिवको सरुवा गरेको छ ।

शुक्रबारको मन्त्रिपरिषद बैठकले सहसचिवहरुको सरुवा गरेको हो ।

गृहमन्त्रालयमा सरुवा हुनेहरुमा विनोदकुमार खड्का, दीर्घबहादुर पोखरेल, तोयनाराण सुवेदी छन् ।

त्यसैगरी, उद्योग, बाणिज्य तथा आपूर्ति मन्त्रालयमा जितेन्द्र बस्नेत, इश्वरकुमार गिरी र राजेश्वर ज्ञवाली भित्रिएका छन् । विवादास्पद सहसचिव ज्ञवाली उद्योग विभागको महानिर्देशक हुनेगरी सेटिङ मिलाएर उद्योगमा छिरेका हुन् ।

त्यसैगरी, कोषहरि निरौला र मनमाया भट्टराई पंगेनी संचार मन्त्रालयमा सरुवा भएका छन् ।

भर्खरै मेलम्चीको मुद्दा जितेका रुद्रसिंह तामाङ संघीय मामिला सामान्य प्रशासन मन्त्रालयमा भित्रिएका छन् । सामान्यमा भित्रिनेमा मातृका भट्टराई पनि छन् ।