पूर्वसूचना पाएर पनि प्रकोप नियन्त्रणमा उदासिनता, धादिङ र काभ्रेका प्रमुख जिल्ला अधिकारीको सरुवा

काठमाडौँ । गृह मन्त्रालयले धादिङ र काभ्रेका प्रमुख जिल्ला अधिकारीलाई हटाएको छ ।

धादिङका प्रमुख जिल्ला अधिकारी राजेन्द्रदेव पाण्डे र काभ्रेका प्रमुख जिल्ला अधिकारी सूर्यप्रसाद सेडाईको सरुवा गरिएको हो ।  मन्त्रालयले धादिङमा पाण्डेको ठाउँमा सुमन घिमिरे र काभ्रेमा सेडाईको ठाउँमा उमेश ढकाललाई पठाएको छ ।

असोज १० गतेदेखि परेको अविरल वर्षापछि काभ्रे र धादिङमा व्यापक जनधनको क्षति भएको छ । काभ्रेमा सबै भन्दा बढी ६६ जनाले ज्यान गुमाएका छन् ।  मौसम विज्ञान बिभागले ठूलो बर्षा हुने पूर्वसूचना दिए पनि धादिङ र काभ्रेमा जनधनको क्षति रोक्न नसकेको आरोप दुबै प्रजिअमाथि लाग्दैआएको छ । काभ्रेका सीडीओ सेडाईं त अस्वस्थ भई भारतमा उपचार गरी एक महिनादेखि घरमै रेष्टमा थिए ।