प्रहरीमा ३० बर्षे सेवाहद हटाउन माग गर्दै रिट दर्ता

काठमाडौं । नेपाल प्रहरीमा रहेको ३० बर्षे सेवावधिका आधारमा अवकाश हुने ब्यवस्था हटाउन माग गर्र्दै बुधबार सर्वोच्च अदालतमा रिट निवेदन परेको छ ।

१६ भदौ, २०८१ मा अवकाश हुन लागेका एसएसपी जीवनकुमार श्रेष्ठसमेत २१ जनाले सर्वोच्चमा ३० बर्षे सेवावधिका आधारमा अवकाश हुने ब्यवस्था खारेज गर्दै रिट दायर गरेका हुन् ।

३० बर्षे सेवावधिका आधारमा अवकाश हुने ब्यवस्था प्रहरी नियमावली २०७१ मा राखिएकाले त्यसलाई हटाउन माग गरिएको छ ।

निजामती सेवामा ५८ बर्षे उमेरहदमात्र लागू छ भने सैनिक सेवा, शिक्षक सेवा, स्वास्थ्यसेवामा ४० बर्षे उमेरहदका आधारमा अवकाश हुने ब्यवस्था छ । न्यायसेवामा त न्यायाधीश ६५ बर्षसम्म बहाल रहन पाउँछन्ु । तर नेपाल प्रहरी र सशस्त्र प्रहरी बलमा भने ३० बर्षे सेवावधिको प्रावधान राखिएकाले अन्याय भएको भन्दै रिट निवेदनमा उक्त ब्यवस्था खारेज गर्न माग गरिएको छ ।