भावी प्रधानन्यायाधीशको आदेशमा चौधरीलाई छाड्न आदेश दिए, संजायस्वरुप मुगु सरुवा भए

काठमाडौं । बाँसबारी छाला जुत्ता कारखानाको १० रोपनी जग्गा प्रकरणमा अरुणकुमार चौधरीलाई २ दिनमै छाड्न आदेश दिने जिल्ला अदालत काठमाडौंका न्यायाधीश यज्ञप्रसाद आचार्यलाई मुगु सरुवा गरिएको छ ।

विनोद चौधरीको च्याम्पियन फुटवेयर कम्पनीले तत्कालीन बाँसबारी छाला जुत्ता कारखानाको उक्त जग्गा गैरकानुनी रुपमा हत्याएको थियो । नेपाल प्रहरीको केन्द्रीय अनुसन्धान ब्यूरो (सीआईबी)ले अनुसन्धानका लागि अरुण चौधरीलाई पक्राउ गरेपछि न्यायाधीश आचार्यले २ दिनमै छाड्न आदेश दिएका थिए । उनले सर्वोच्च अदालतकै एक भावी प्रधानन्यायाधीशको दबाबमा उक्त आदेश दिए पनि कारबाहीस्वरुप मुगु सरुवा हुनुपरेको छ ।

प्रधानन्यायाधीश बिश्वम्भर प्रसाद श्रेष्ठले उनलाई मुगु सरुवा गरेका हुन् । भावी प्रधानन्यायाधीशको दबाब मान्दा आचार्यले संजायस्वरुप मुगु सरुवा हुनुपरेको छ ।

सीआईबीले गैरकानुनी रुपमा जग्गा हत्याउने अनुसन्धान गरिरहँदा अदालतले छाड्ने आदेश दिएपछि गृहमन्त्री नारायणकाजी श्रेष्ठले असन्तुष्टि जनाएका छन् ।