प्रचण्ड सरकार असफल भयो, अब माधवलाई प्रधानमन्त्री बनाऔं : शशांक कोइराला

नवलपरासी । सत्तारुढ नेपाली कांग्रेसका नेता डा.शशांक कोइरालाले वर्तमान सरकार पूर्णरुपमा असफल भएको बताएका छन् ।

कावासोतीमा नेत्रप्रसाद भूसालको स्मृतिमा नेपाल प्रेस यूनियनद्धारा स्थापित पुरस्कार घोषणा कार्याक्रममा बोल्दै नेता कोइरालाले यस्तो बताएका हुन्।

नेता कोइरालाले भने,’प्रधानमन्त्री आफैं सरकारको कामकारबाहीबाट सन्तुष्ट हुनुहुन्न । त्यो भनेको प्रचण्डको सरकार असफल छ भन्ने हो । अब ढिला नगरी पूर्व सहमतिअनुसार माधव नेपाललाई प्रधानमन्त्री बनाउनु पर्छ । प्रचण्ड असफल हुनु भएको छ । अब ढिला नगरी दलहरुको पूर्व सहमतिअनुसार नेपाललाई प्रधानमन्त्री बताउनुपर्छ ।’

नेता कोइरालाले प्रधानमन्त्री पुष्पकमल दाहाल प्रचण्ड सरकार सञ्चालनमा असफल भइसकेको दाबी गर्दै अब माधव नेपाललाई प्रधानमन्त्री बनाउनुपर्ने बताए।