नेपालले पाकिस्तानलाई दियो १९८ रनको लक्ष्य

काठमाडौं । नेपालले आईसीसी यू–१९ विश्वकप २०२४ को आफ्नो दोस्रो खेलमा पाकिस्तानलाई १९८ रनको मध्यम लक्ष्य दिएको छ । टस जिती पहिले ब्याटिङको निर्णय लिएको नेपालले निर्धारित ५० ओभरमा सबै विकेट गुमाएर १९७ रन बनाएको हो ।

नेपालका लागि ओपनर बिपिन रावलले सर्वाधिक ३९ रन बनाए । कप्तान देब खनालले पनि २३ रन जोडे । गुलसन झाले १८, दीपक डुम्रेले २६ रन, दिपेश कँडेलले १३ रन र आकाश चन्द १६ रन बनाए । यस्तै, दुर्गेस गुप्ता अन्तिम विकेटका रुपमा शून्य रनमा पेभेलियन फर्किए ।

पाकिस्तानका बलर अराफाता मिनहसले तीन विकेट लिए । अहमद हुसैन र उबैद शाहले पनि दुई–दुई विकेट हात पारे । खुबैद खलिल, अली असफान्द र मोहम्मद जिसनले पनि एक–एक विकेट लिए । नेपालले अतिरिक्त रुपमा पनि २६ रन पाएको थियो ।