बन्द भएका सटरहरू अब खुल्ने ऊर्जामन्त्री बस्नेतको दाबी

काठमाडौं। ऊर्जा, जलस्रोत तथा सिँचाइमन्त्री शक्तिबहादुर बस्नेतले आर्थिक संकटका कारण बन्द भएका सटरहरू अब खुल्ने दाबी गरेका छन् । आज नेपाल उद्योग व्यापार महासंघको दोस्रो वार्षिक साधारण सभामा बोल्दै उनले यस्तो बताएका हुन् ।

उनले कोभिड महाभारीले विश्व अर्थतन्त्रमा पारेको प्रभावबाट नेपाल पनि अछुतो हुन नसकेको बताए। ‘कोभिड महामारीले विश्व अर्थतन्त्रमा परेका दबाबबाट नेपाल पनि अछुत रहेन । बिस्तारै अर्थतन्त्र लयमा फर्किँदैछ । बन्द भएका सटरहरू अब बिस्तारै खुल्दैछन्,’ मन्त्री बस्नेतले भने ।

उनले सरकारले निर्माण व्यवसायीको बाँकी भुक्तानी पठाइसकेको जानकारी समेत दिए । नेपाल श्रीलङ्का बन्छ भन्ने हल्लाबिच वर्तमान सरकार बनेको बताउँदै अब त्यस्तो नरहेको समेत बताए ।