उच्च अंकले घट्यो नेप्से, ६ अर्बको कारोबार

काठमाडौं। साताको पहिलो दिनदेखि नै निरन्तर बढीरहेको शेयर बजार आज साताको अन्तिम कारोबारका दिन बिहीबार भने उच्च अंकले घटेको छ ।

बिहीबार नेप्से परिसूचक ३२.७७ अंक घटेर २१०९.१० विन्दुमा झरेको छ। यस दिन सेन्सेटिभ इण्डेक्स ६ अंक घटेको छ भने फ्लोट इण्डेक्स २.६३ अंक र सेन्सेटिभ फ्लोट इण्डेक्स २.४४ अंक घटेको छ।

आज ६ अर्ब २७ करोड रुपैयाँको सेयर कारोबार भएको छ ।

आज बोटल्र्स नेपाल बालाजु, आशा लघुवित्त वित्तीय संस्था, धौलागीरी लघुवित्त वित्तीय संस्था, बीपीडब्लू लघुवित्त वित्तीय संस्था लिमिटेड र चिरखवा हाइड्रोपावर लिमिटेडमा सकारातमक सर्किट लागेको छ ।

आज कारोबारमा आएका १३ समूहमध्ये उत्पादन तथा प्रशोधन र व्यापार समूहको परिसूचक वृद्धि भएको छ भने अन्य समूहको परिसूचक ओरालो लागेको छ ।