अमेरिकामा चिकुनगुनियाको पहिलो खोप स्वीकृत

काठमाडौं। अमेरिकी खाद्य तथा औषधि प्रशासन (एफडीए)ले घातक रोग चिकनगुनिया विरुद्धको विश्वको पहिलो खोपलाई स्वीकृत गरेको छ । यो लामखुट्टेबाट सर्ने रोगले उच्च ज्वरो र जोर्नी दुख्ने गर्छ र शिशुहरूको लागि घातक हुन सक्छ।

एफडीएको स्वीकृति पछि यो खोप छिट्टै विश्वभर उपलब्ध हुने अपेक्षा गरिएको छ। हाल चिकनगुनियाको उपचारको लागि कुनै खास औषधि छैन।

यो वर्ष सेप्टेम्बरमा मात्रै ४ लाख ४० हजार चिकुनगुनियाका बिरामी परेका छन् भने ३५० जनाको मृत्यु भएको छ । यो वर्ष सबैभन्दा बढी चिकुनगुनियाका बिरामी दक्षिण अफ्रिका र दक्षिण एसियाका थिए ।

यस भ्याक्सिनको नाम इक्सचिक हो र एफडीएका अनुसार यसलाई १८ वर्ष वा सोभन्दा माथिका व्यक्तिहरूले प्रयोगको लागि स्वीकृत गरेको छ। यो युरोपको वालनेवाले विकास गरेको हो र यसलाई एकै सटमा लिनुपर्छ ।