आज सार्वजनिक बिदा, सेयर बजार बन्द

काठमाडौँ। सरकारले आज सार्वजनिक बिदा दिएको छ । आज संविधान दिवस परेकाले सरकारले सार्वजनिक बिदा दिने निर्णय गरेको हो । आज सरकारी कार्यालय लगायत सेयर बजार, बैङ्क तथा वित्तीय संस्थाका साथै बिमा कम्पनीहरू बन्द हुनेछन् ।

आज संविधान दिवस संविधान जारी भएको दिनको सम्झनामा मनाइने दिवस हो। नेपालमा हालसम्म विभिन्न समयमा गरी ६ वटा संविधानहरू लागू भएका छन्। त्यस अनुसार नै संविधान दिवस मनाइएको पाइन्छ।

पछिल्लो समय नेपालको संविधान २०७२जारी भएको दिन संविधान दिवस असोज ३ गते मनाइन्छ। सङ्घीय लोकतान्त्रिक गणतन्त्र नेपालका प्रथम राष्ट्रपति डा।रामवरण यादवले २०७२ असोज ३ गते ‘नेपालको संविधान २०७२’ जारी भएको घोषणा गरेका थिए।