मेयर बालेन शाह र उपमेयर सुनिता डंगोल ग्राण्डी अस्पताल पुगे

काठमाडौं । वडा नम्बर १६ का वडाध्यक्ष मुकुन्द रिजालको पार्थिव शरीरलाई श्रद्धाञ्जलि दिन काठमाडौं महानगरका मेयर बालेन्द्र (बालेन) शाह र उपमेयर सुनिता डंगोल लगायत कांग्रेसका नेता कार्यकर्ताहरू ग्राण्डी अन्तर्राष्ट्रिय अस्पताल पुगेका छन् ।

डेंगुबाट आज बिहीबार बिहान अध्यक्ष रिजालको निधन भएको थियो । उनको जन्म २०२७ साल कार्तिक १९ गते भएको हो ।

उनको पार्थिव शरीरलाई श्रद्धाञ्जली दिनका लागि बिहान ११ बजेदेखि राष्ट्रिय सभा गृहमा राखिनेछ । त्यसपछि अन्तिम संस्कारका लागि पशुपति आर्यघाट लगिनेछ ।

नगर कार्यपालिकाअन्तर्गत पूर्वाधार समितिका संयोजक समेत रहेका रिजाल २०७४ सालको स्थानीय तह सदस्य निर्वाचनबाट पनि वडाध्यक्ष निर्वाचित भएका थिए ।