प्रधानमन्त्री प्रचण्डले जनआन्दोलन पीडितसँग माफी माग्नु पर्छः वामदेव गौतम

काठमाडौं । पूर्वउपप्रधान एवं गृहमन्त्री वामदेव गौतमले प्रधानमन्त्री पुष्पकमल दाहाल प्रचण्डले जनआन्दोलनका पीडित पक्षसँग माफी माग्नुपर्ने बताएका छन् । आज काठमाडौंमा आयोजित पत्रकार सम्मेलनमा बोल्दै उनले यस्तो बताएका हुन् ।

उनले आफू नेकपा एमाले र नेकपा एकीकृत समजवादी पार्टीमा जानसक्ने तर नेकपा माओवादी केन्द्र मा जान नसक्ने बताए। उनले जनयुद्ध कालमा राम्रा काम पनि भएका र नराम्रा काम पनि भएको भन्दै उनले प्रधानमन्त्री प्रचण्डले जनयुद्धका पीडितका घरघरमा पुगेर माफी माग्नुपर्ने बताएका हुन् ।

राजनीतिक व्यक्तिको हत्या गर्नु माक्र्सवाद नभइ गल्ती भएको उनको जिकिर छ । नेता गौतमले नेकपा एमालेले ७० वर्षे उमेरहद नहटाएको दाबी गरे ।