बन्चरेडाँडा ल्याण्डफिल साइटको समस्याबारे दिर्घकालीन समाधानको उपाय खोज्छु : प्रचण्ड

काठमाडौँ । प्रधानमन्त्री पुष्पकमल दाहाल प्रचण्डले बन्चरेडाँडा ल्याण्डफिल साइटको समस्याका बारेमा दिर्घकालीन समाधानको उपाय खोजिने उल्लेख गरेका छन् ।

प्रचण्डले शनिबार बिहान नुवाकोटबाट प्रतिनिधित्व गर्ने सांसदहरुसँगको छलफलमा सो कुरा बताएका हुन् ।

छलफलमा सांसदहरुको टोलीले नुवाकोटको विकासको मेरुदण्डको रुपमा रहेको पासाङ ल्हामु राजमार्ग अन्तर्गतको तिनपिप्ले पिपलटार सडकखण्डको स्तरोन्न्ती र तत्काल कालोपत्रे गर्न पहल गरिदिन माग गरेका छन् ।

जवाफमा प्रधानमन्त्री प्रचण्डले सो राजमार्गका विषयमा आफू जानकार रहेको बताउँदै कालापत्रेका लागि आन्तरिक स्रोत जुटाएर भएपनि यो वर्षनै काम सम्पन्न गरिने विश्वास व्यक्त गरेका छन् ।