राजीनामा दिनबाहेक गृहमन्त्री संसद्‍को रोष्ट्रममा जानु अनौठो : ओली

काठमाडौं । नेकपा एमालेका अध्यक्ष केपी शर्मा ओलीले गृहमन्त्री राजीनामा दिनबाहेक संसद्को रोष्ट्रममा जानु अनौठो भएको बताएका छन्। एमालेले आज आयोजना गरेको पत्रकार सम्मेलनमा अध्यक्ष ओलीले यस्तो बताएका हुन् ।

गृहमन्त्री असफल भइसकेको उल्लेख गर्दै उनले भने, ‘गृहमन्त्रीले त रोष्टममा राजीनामा गर्न बाहेक जानु भनेको अनौठो कुरा हो । चुरोट भनेर ल्यायो सुन हुन्छ, सुन भनेको पक्राउ गर्‍यो, राखेको ठाउँबाट चोरी हुन्छ । गृहमन्त्री जवाफदेही होइन ?’

उनले सत्तापक्षले नै संसद अवरोध गरेर आफूहरूलाई बोल्न नदिएको आरोप लगाए । एमालेलाई सरकारमा कुनै रुचि नभएको उनको दाबी छ । विमानस्थलबाट जे आयो सबै सुन हुने गरेको अध्यक्ष ओलीको भनाइ छ ।