चितवनबाट फर्किएपछि मात्र प्रधानमन्त्रीले मन्त्रिपरिषद् पुनर्गठनबारे निर्णय लिने

काठमाडौं। प्रधानमन्त्री तथा नेकपा माओवादी केन्द्रका अध्यक्ष पुष्पकमल दाहाल प्रचण्ड प्रतिकुल मौसमका कारण चितवनबाट फर्किन ढिलाइ भएको छ । प्रधानमन्त्री आज बिहान चितवनबाट फर्किने तय भएपनि खराब मौसमका कारण उतै रोकिएका हुन् ।

मौसम खुलेलगत्तै प्रधानमन्त्री प्रचण्ड काठमाडौं आइपुग्ने बताइएको छ । प्रधानमन्त्री प्रचण्ड शुक्रबार गृह जिल्ला चितवन पुगेका थिए । प्रधानमन्त्री प्रचण्ड पारिवारिक भेटघाटका लागि त्यहाँ पुगेको जनाइएको छ ।

प्रधानमन्त्री प्रचण्डले चितवनबाट फर्किएपछि मात्र मन्त्रिपरिषद् पुनर्गठनबारे निर्णय लिने बताइएको छ । प्रधानमन्त्री फर्किन ढिलाइ भएकै कारण मन्त्री हेरफेरबारे निर्णय लिन ढिलाइ भएको बुझिएको छ ।