भारी वर्षाका कारण काठमाडौंको बसपार्क क्षेत्र पनि डुबानमा

काठमाडौं । सोमबारदेखि भइरहेको भारी वर्षाका कारण काठमाडौंको नयाँ बसपार्क क्षेत्रमा पनि डुबानमा परेको छ ।वर्षाका कारण बसपार्क नजिकको विष्णुमती क्षेत्र डुबानमा परेको हो ।

विष्णुमतीमा पानीको बहाव बढेर सडकमाथि बग्न थालेको छ । सडकबाट पानी घर र पसलहरूमा पसेको छ ।

यहाँ नजिकैको दीपज्योति आवासीय विद्यालय पनि डुबानमा परेको छ । बिहानैदेखि सामाखुसी क्षेत्र पनि डुबानमा परेको छ ।

काठमाडौं उपत्यकामा रातभर भारी वर्षा भएको छ । वर्षाले नदी र खोलाहरुमा बाढी आएको छ ।

जल तथा मौसम विज्ञान विभागको बाढी पूर्वानुमान महाशाखाले बाढीको सतह बढ्दो क्रममा रहेकाले आज बिहान ११ बजेसम्म सतर्कता अपनाउन आग्रह गरेको छ ।