मन्त्रिपरिषद्को बैठक बस्दै, कुलमानको नियुक्तिबारे छलफल हुने

काठमाडौं । आज मन्त्रिपरिषद्को बैठक बस्ने भएको छ । दिउँसो १२ बजेपछि प्रधानमन्त्री निवास बालुवाटरमा बस्ने बैठकमा मन्त्रालयगत एजेण्डामा छलफल हुने तयारी छ । 

बैठकले विशेषगरी ऊर्जा, जलस्रोत तथा सिँचाइमन्त्री वर्षमान पुनले पेश गरेको प्रस्तावमा छलफल हुने बताइएको छ । 

गत सोमबारको मन्त्रिपरिषद् बैठकमा मन्त्री पुनले कुलमान घिसिङलाई विद्युत् प्राधिकरणको कार्यकारी निर्देशक नियुक्ति गर्न  प्रस्ताव पेश गरेका थिए । सो बैठकमा भने सो प्रस्तावमाथि छलफल भएको थिएन ।  

आजको बैठकमा भने त्यसमा छलफल हुने बताइएको छ । 

नेपाललाई लोडसेडिङ मुक्त बनाउने क्रममा नेपाल विद्युत प्राधिकरणको नेतृत्व गरेका कुलमानको पदावधि गत आइतबार सकिएको थियो ।