नेदरल्यान्ड्सका प्रधानमन्त्री रुट्टेले दिए राजीनामा, आप्रवासी नीतिमा सहमति जुट्न सकेन

काठमाडौँ। नेदरल्यान्ड्सका प्रधानमन्त्री मार्क रुट्टले पदबाट राजीनामा दिएका छन् । उनले गठबन्धनसहितकाे आफ्नो मन्त्रिपरिषद्सहित राजीनामा दिएको बीबीसीले जनाएको छ ।

आप्रवासी नीतिमा निरन्तर चलेको छलफल र वार्तामा सहमति जुट्न नसक्दा नेदरल्यान्ड्समा सरकार ढलेको हो । सरकारका चार गठबन्धन साझेदारबीच आप्रवासीको सङ्ख्या रोक्न चाल्ने कदमबारे सहमत हुन सकेन । प्रधानमन्त्री मार्क रुट्टेले आप्रवासी नीतिमा सहमति जुटाउन नसक्दा राजीनामा दिएको बताए । उनले आउँदो चुनावसम्म गठबन्धनले नै कामचलाउ सरकार चलाउने जानकारी पनि दिए ।

नेदरल्यान्ड्समा यसै वर्ष नोभेम्बरमा चुनाव हुन सक्ने अनुमान छ । रुट्टेको दल भीभीडीले नेदरल्यान्ड्समा शरण खोज्नेहरूको संख्यालाई सीमित गर्ने पक्षमा छ । तर, गठबन्धनका अन्य दलले यो योजनाको विरोध गर्दै आएका छन् ।