भौतिक पूर्वाधार मन्त्री ज्वालाद्वारा कान्ति लोकपथको निरीक्षण

काठमाडौं । भौतिक पूर्वाधार मन्त्री प्रकाश ज्वालाले काठमाडौं(हेटौंडा जोडने बैकल्पिक सडकको रुपमा रहेको कान्ति लोकपथको अवलोकन गरेका छन् । हेटौडको बुद्धचोकदेखि ललितपुरको टिकाभैरवसम्म करिव ७९ किमि लम्बाई रहेको यो सडक निर्माणाधीन अवस्थामा छ।

कुल ३ अर्ब ७८ करोड लागत अनुमान गरिएको यो सडक खण्डको २ किलोमीटर कालोपत्रे गर्न बाँकी रहेको छ। काठमाडौंबाट तराई जोडने छोटो बाटोको रुपमा रहेको यो सडक खण्डको केही भू(भागहरुमा कडा चट्टान रहेको कारणले ५ किमि सडक बिस्तारको काम बाँकी छ।

सडक अवलोकनमा मन्त्री ज्वालासहित मन्त्रालयका सचिव केशवकुमार शर्मा तथा कान्ति लोकपथ राजमार्गका आयोजना प्रमुख सुरेश न्यौपाने सहभागी थिए। २०१३ सालमा ट्र्याक खोलिएको यो सडकलाई नारायणगढ मुग्लिन सडकको बिकल्पको रुपमा प्रयोग गरी २४ घन्टा संचालन गर्न आवश्यक बजेट व्यस्थापन गरेर काम अगाडि बढाइने समेत मन्त्री ज्वालाले बताए ।