फ्रान्स हिंसामा अहिलेसम्म केके भयो?

एजेन्सी। फ्रान्स सरकारले हिंसा रोक्न धेरै नयाँ कदमहरूको घोषणा गरेपनि राजधानी पेरिसलगायत अन्य धेरै सहरमा हिंसा र आगजनी जारी नै छ।

फ्रान्सेली राष्ट्रपतिले यस विषयमा आपतकालीन बैठकपछि संक्षिप्त वक्तव्य जारी गर्दै अभिभावकलाई आफ्ना बालबालिकालाई घरबाट बाहिर ननिस्कन सल्लाह दिएका छन्।

फ्रान्समा गत मंगलबार प्रहरीले १७ वर्षीय नाहेल एमको गाेली हानी हत्या गरेका थिए। साेही घटनापश्चात् फ्रान्समा हिंसा र आगजनी सुरु भएको हाे।

हालसम्म के-के भयाे?

१-फ्रान्सका गृहमन्त्रीले बिहीबार राति मात्रै सडकमा आगजनीका ३ हजार ८ सय ८० घटना दर्ता भएको र यसअघि बुधबार राति २ हजार ३ सय ९१ आगजनीका घटना दर्ता भएको बताएका छन्।

२-गृह मन्त्रालयले दंगा र हिंसाको तेस्रो रात फ्रान्सभर हिंसा र आगजनी भएको र यस अवधिमा ८७५ जना पक्राउ परेको जनाएको छ।

३-फ्रान्समा तीन दिनसम्म चलेको हिंसामा ४९२ भवन र २ हजार सवारी साधनमा आगजनी गरिएको थियो ।

४-एएफपी समाचार एजेन्सीका अनुसार राष्ट्रपति इमानुएल म्याक्रोनले बिहीबार राति ३ हजार ८८० वटा आगजनीका घटना भएको बताएका छन्।

५-राष्ट्रपति म्याक्रोनले अब बिना कुनै हिचकिचाहट कडा सुरक्षा उपायहरू लिन तयार छन्।

६-फ्रान्सेली प्रधानमन्त्री एलिजाबेथले अब पुलिसहरू सशस्त्र गाडीमा दंगा प्रभावित सडकहरूमा प्रवेश गर्ने बताएकी छन्।

७-हिंसा नियन्त्रणमा संलग्न २४९ प्रहरी घाइते भएका छन्।