सरकारमाथिको विश्वास ९९ बाट ५३ प्रतिशतमा झर्‍यो : ओली

काठमाडौं । नेकपा एमालेका अध्यक्ष केपी शर्मा ओलीले संसदमा सरकारमाथिको विश्वास क्रमश घट्दै गएको बताएका छन् । आज प्रतिनिधिसभामा मतदानमार्फत बजेट पारित भएपछि पत्रकारहरुसँग कुरा गर्दै उनले संसदमा प्रधानमन्त्रीमाथिको विश्वास ९९ दशमलव ९९ प्रतिशतबाट झरेर ५३ प्रतिशतमा पुगेको बताएका हुन् ।

‘गठबन्धनसँग बहुमत थियो । बजेट पारित हुनु स्वभाविक हो । हामीले आफ्नो मत देखायौं । ९९ दशमलव ९९ प्रतिशतबाट ५३ प्रतिशतमा झर्‍यो प्रधानमन्त्रीमाथिको विश्वास भन्ने त्यहाँ देखियो । अरु त्यसमा केही भनिरहनु परेन’, उनले भने ।

आज प्रतिनिधिसभामा विनियोजन विधेयक मत विभाजनबाट पारित गरिएको थियो । २७५ मध्ये २५५ जना मत विभाजनमा सहभागी हुँदा विधेयक पारितको पक्षमा १४७ मत खसेको थियो ।