मैत्रीपूर्ण खेलमा नेपाल फिलिपिन्ससँग पराजित

काठमाडौं । फिलिपिन्ससँग मैत्रीपूर्ण फुटबल खेलमा नेपाल १–० ले पराजित भएको छ । साफ च्याम्पियनसिपको तयारी स्वरुप खेलिएको मैत्रीपूर्ण खेलमा फिलिपिन्सका लागि ४९ औं मिनेटमा जार्भी गायसोले गरेको गोल नै निर्णायक भएको हो ।

हार्वे गायोसुले ४९औं मिनेटमा गरेको गोल फिलिपिन्सको जीतमा निर्णायक बन्यो। साफ च्याम्पियनसिपको १४औं संस्करण आगामी असार ६ देखि १८ गतेसम्म भारतको बेङ्गलुरुमा हुनेछ।

ए डिभिजन लिगका कारण तयारी गर्न लामो समय नपाएको नेपाली टीम केही दिन यता फिलिपिन्समै अभ्यास गरिरहेको छ । नेपाल र फिलिपिन्सले यसअघि ६ खेल खेलेका थिए । जसमा नेपालले एक र फिलिपिन्सले चार खेल आफ्नो पक्षमा पर्दा एक खेल बराबरीमा सकिएको थियो ।