जिल्ला निर्वाचन कार्यालय खारेज गर्ने विषयमा गृहमन्त्रीसँग जवाफ माग्ने संसदीय समितिको निर्णय

काठमाडौं। राष्ट्रियसभाको राष्ट्रिय सरोकार तथा समन्वय समितिले जिल्ला निर्वाचन कार्यालय खारेज गर्ने सरकारको तयारीका विषयमा गृहमन्त्रीसँग जवाफ माग्ने निर्णय गरेको छ । आज बसेको समितिको बैठकले सो निर्णय गरेको हो ।

समितिकी सभापति दिलकुमारी रावलले सो कार्यालय खारेज गर्ने विषयमा उठेका सबै प्रश्नमाथि छलफल गर्न उपप्रधानमन्त्री तथा गृहमन्त्री नारायणकाजी श्रेष्ठसँग छलफल गर्ने जानकारी दिइन् । गृहमन्त्रीको समय उपलब्धताका विषयमा बुझेर छलफलको मिति तय गर्ने उनको प्रस्ताव समिति बैठकले अनुमोदन गरेको छ ।

१५ जेठमा आर्थिक वर्ष २०८०/८१ बजेट वक्तव्य प्रस्तुत गर्दै अर्थमन्त्री डा। प्रकाशशरण महतले चालु खर्च कटौती गर्न २० भन्दा बढी निकाय खारेज गर्ने बताएका थिए।