अर्थमन्त्री महतको गुनासो- मिडियाले बजेटका राम्रा कार्यक्रम ढाकछोप गरे

काठमाडौं । अर्थमन्त्री डा. प्रकाशशरण महतले बजेटले आमूल परिवर्तन गर्न नसके पनि आर्थिक अवस्था भने पक्कै पनि सुधार गर्ने दाबी गरेका छन् ।

आर्थिक पत्रकार समाज सेजनले आज आयोजना गरेको पोस्ट बजेट छलफलमा बोल्दै मन्त्री महतले संकटपूर्ण आर्थिक अवस्था सुधारमा ठूलो काम हुने बताएका हुन् ।

बजेटको अहिलेको आकारभन्दा पनि ठूलो बनाउन आफूलाई दबाब आएको बताउँदै उनले परिस्थितिका कारण केही ठूलो बजेट बनेको बताए ।

सांसद विकास कोषको बजेट पुँजीगत नै भएको भन्दै उनले दुरुपयोग नहुने बताए ।

तर मिडियाले बजेटका राम्रा कार्यक्रम ढाकेर सांसद विकास कोषको प्रचार गरेको गुनासो गर्दै मन्त्री महतले भने, ‘सांसद विकास कोषलाई मिडियामा बजेटका राम्रा कार्यक्रम ढाकेर प्रचार भयो, यो कोष होइन, कार्यक्रम हो, त्यही अनुसार बुझौं ।’