फ्रान्स पठाइदिन्छु भन्दै ४० लाख ठगी, एक जना पक्राउ

काठमाडौं । फ्रान्स पठाइदिन्छु भन्दै ४० लाख रकम ठगी गर्ने एक जना पक्राउ परेका छन् । उनलाई काठमाडौं उपत्यका अपराध अनुसन्धान कार्यालयको विशेष टोलीले ललितपुरको पुल्चोकबाट नियन्त्रणमा लिएको हो ।

पक्राउ पर्नेमा दोलखाको बैतेश्वर नगरपालिका-३ घर भई हाल भक्तपुरको सूर्यविनायक नगरपालिका-१३ बस्‍ने ५० वर्षीय सुरेश कुमार पाख्रिन रहेका छन् । उनले फुर्पा शेर्पासहित चार जनालाई वैदेशिक रोजगारीको लागि फ्रान्स पठाइदिने भन्‍दै प्रतिव्‍यक्ति १७ लाख गरी ४० लाख रुपैयाँ रकम लिई सम्पर्कविहीन भएको प्रहरीले जनाएको छ ।

पक्राउ परेका उनलाई थप अनुसन्धान तथा कारबाहीको लागि वैदेशिक रोजगार विभाग बुद्धनगर पठाइएको अपराध अनुसन्धान कार्यालयले बताएको छ ।