नेप्से परिसूचक १८३८ विन्दुमा, कारोबार रकम कति ?

काठमाडौं। आज साताको अन्तिम सेयर कारोबार दिन बिहीबार नेप्से परिसूचक सामान्य अंकले घटेको छ। नेप्से परिसूचक ३.३४ अंकले घटेर १८३८.५९ विन्‍दुमा पुगेको छ।

सेन्सेटिभ इण्डेक्स ०.७१ अंकले घटेर ३५३.०९ विन्दुमा अडिएको छ। यसदिन २५९ कम्पनीको २१ लाख ५ हजार५ हजार ६५७ कित्ता सेयर ५७ हजार ८८ लाख ४१ हजार५९३ रुपैयाँमा खरिदबिक्री भयो।
कारोबार रकम बुधबारको तुलनामा कम हो। बुधबार ५८ करोड ९१ लाख ७७ हजार रुपैयाँको सेयर कारोबार भएको थियो।

आत्मनिर्भर लघुवित्त वित्तीयको सेयर मूल्य सर्वाधिक ६.१० प्रतिशतले बढ्यो। यस्तै, सिटीजन म्युचुअल फन्ड १ को सेयर मू्ल्य ५.८९ प्रतिशतले बढ्यो।

कारोबार रकमका आधारमा नेपाल दूरसंचार कम्पनी शीर्षस्थानमा रह्यो । सो कम्पनीको ३ करोड १५ लाख मूल्य बराबरको सेयर खरिदबिक्री भयो।

ग्लोबल आईएमई बैंकको प्रोमोटर सेयर २ करोड शिवम् सिमेन्टको १ करोड बढिमा खरिदबिक्री भयो।कारोबारमा आएका १३ उपसमूहमध्ये १० को मूल्य घट्दा ३ को मात्रै बढ्यो।

बैंकिङ,लाइफ इन्स्योरेन्स र म्युचुअल फण्डको सूचकबाकेक बाँकीको मूल्य ओरालो लागेको हो।