प्रशासनिक खर्च घटाउने अर्थमन्त्रीको घोषणा

काठमाडौं। अर्थमन्त्री डा.प्रकाशरण महतले प्रशासनिक खर्च घटाउने घोषणा गरेका छन् । आज प्रतिनिधिसभामा प्रि बजेटमा सांसदहरुले उठाएका प्रश्नहरुको जवाफ दिँदै उनले यस्तो घोषणा गरेका हुन् ।

उनले भने, ‘अब हामीले खर्च कम गर्ने ठाउँ कहाँ छ ? प्रशसनिक लागत जुन छ त्यसलाई कम गर्ने लक्ष्य छ । बजेटमा अझ स्पष्ट सँग भनौंला ।’

जहाँ जुन खर्च नगरेर पनि काम चल्छ त्यहाँ खर्च नगर्ने सरकारको नीति हुने उनको भनाइ छ । सोही नीति अनुसार चल्न प्रदेश र स्थानीय सरकारलाई आग्रह गर्ने अर्थमन्त्रीले बताएका छन् ।

पछिल्ला केही वर्षहरुमा अनावश्यक भवन बनाउने प्रतिस्पर्धा चलेको भन्दै वर्तमान सरकारले यसलाई नियन्त्रण गर्ने उनल्े बताए ।