हेर्नुहोस् यस्तो रह्यो यो साता सुनको मूल्य

काठमाडौं। नेपाली बजारमा यो साता पनि सुनको मूल्यमा उतारचढाव देखिएको छ। साताको पहिलो दिन तोलामा ९०० रुपैयाँ घटेर १ लाख ९ हजार ३०० रुपैयाँ कायम भएको सुनको भाउ क्रमश घटबढ हुँदै हिजो शुक्रबार १ लाख ९ हजार १०० रुपैयाँ तोकियो। अर्थात् समग्रमा साताभर सुनको मूल्य तोलामा २०० रुपैयाँ घटेको छ।

सातामा सुनको भाउ सबैभन्दा बढी हुँदा तोलाको १ लाख ९ हजार ७०० रुपैयाँ कायम भयो भने सबैभन्दा कम हुँदा तोलाको १ लाख ९ हजार १०० तोकियो।

साताको पहिलो दिन घटेको सुनको भाउले दोस्रो दिन पनि निरन्तरता पायो। उक्त दिन सुनको भाउ तोलामा २०० रुपैयाँले घटेर १ लाख ९ हजार १०० रुपैयाँ कायम भयो।

मंगलबार भने सुनको भाउ तोलामा ४०० रुपैयाँ बढेर १ लाख ९ हजार ५०० रुपैयाँ तोकियो। त्यसको भोलिपल्ट (बुधबार) पनि सुनको भाउमा वृद्धि रोकिएन। उक्त दिन सुनको भाउ तोलामा २०० रुपैयाँ बढ्दा १ लाख ९ हजार ७०० रुपैयाँमा कारोबार भयो।

बिहीबार भने सुनको भाउ तोलामा १०० रुपैयाँ घटेर १ लाख ९ हजार ६०० रुपैयाँ कायम भयो। सुनको भाउ घट्ने क्रम शुक्रवार पनि कायमै रह्यो। उक्त दिन सुनको भाउ तोलामा ५०० रुपैयाँ घट्यो।

नेपाल सुनचाँदी व्यवसायी महासंघले आज शनिबार सुन-चाँदीको मूल्य तोक्ने गरेको छैन। यसदिन भने शुक्रबारकै मूल्यमा सुनचाँदीको कारोबार हुने गरेको महासंघले जनाएको छ।